|
Zapatuan eta domekan Madrilen jokatu behar zen
Espainiako Eskalada Txapelketa erdibidean geratu zen,
eguraldi txarragatik. Nesketan, Lara Larrañagak
laugarren postua lortu zuen. Nesken sailkapena egin eta
gero, finalerako txartela lortu zuen Larrañagak. «Baina
finala jokatzen hasi zenean, euria hasi zuen, eta horrek
asko eragin zion ondarrutarrari». Gertaerak gertaera
laugarren postua lortu zuen.Urduri ibili zen gure neska
besoak lehertu arte gora eginez. Horretaz gain, lehen
txapelketako beldurrak eta mamuak gainditu ditzakeela
ikusi du eta gogotsu geratu zen hurrengo txapelketarako.
Mutiletan sailkapenak ez ziren bukatu azken
partehartzaileak irten haurretik euri zaparrada hasi zen
eta txapelketa bertan behera gelditu zen. Jon Ferrero
ongi hasi zen eskalatzen baina nekea gehitu zitzaion eta
pausu luze batean hanka ez zuen ikusi, horren ondorioz
erori egin zen eta ez zuen finalerako sailkatzerik
lortuko. Ruben Osak lortuko zuen finalerako
txartela. Ongi eskalatu zuen eta Jon erori zen pausu
luzea erraz gainditu zuen bere garaierari ezker, hala ta
guztiz ere metro batzuk gorago sabaiaren erdian bera
egin zuen.
Lotsagarria horrelako txapelketa batean dena bertan
behera uztea egiturari toldo bat ez jartzeagatik. Orain,
urrian jokatuko den txapelketari gehituko zaio proba
hori.
Betalde, Bizkaiko eskola kiroleko txapelketara joan
zirenak ez zuten txapelketa burutzerik izan. Bi eguneko
irteera zuten Nafarroara eta hauek ere eguraldiak
baldintzatuta rokopoliseko rokodromoan aritu ziren
eskalatzen bi egun horietan. Ekainean izango da eskola
kiroleko azken froga.
|
